નદી, પુલ અને ચૂંટણી . . .

"અમે આમ કરીશું અને તેમ કરીશું, . . ."

નદી, પુલ અને ચૂંટણી. . .

ચૂંટણી આવી,

મોટા-મોટા અને ખોટા-ખોટા વાયદાઓ લાવી,

પાંચ વર્ષે સાહેબ ને લોકો યાદ આવ્યા,

સાહેબ ને ટેન્સન આવ્યું,

ફરી પાછું એજ લોકો સામે મારે વોટ માંગવા જવાનું,

ફરી પાછું એજ ભાષણ મારે વાંચવાનું,

સાહેબ પહોચ્યા સીધા પોતાના મત વિસ્તાર માં,

નેતાજી ની એક જ વાત -

"અમે આમ કરીશું અને તેમ કરીશું,

પેલું કામ પહેલા કરીશું, અને ઠેલેલું કામ પછી કરીશું,

તમે કહો એ કામ કરીશું,

પણ, વોટ અમારે નામ કરીશું, . . ."

અને સાહેબ થી બફાઈ ગયું - " ગામ ની નદી પર પુલ બનાવીશું, . . . "

આ સાંભળી ને એક ગામડિયો બોલ્યો -

" પણ, સાહેબ અમારા ગાંમ માં તો ચોંય નદી તો હ નૈં. . ." 

સાહેબ થોડા ચમક્યા, "હેં . . ."

અને પછી તરત જ મારી પલટી,

શું કીધું - ગામ માં નદી નથી?

તો પહેલા કેમ ના બોલા -

ગામ માં પહેલા નદી લાવીશું,

અને પછી પાંચ વર્ષ પછી આવતી ચૂંટણી માં મારો નવો વાયદો હશે -

આ નદી માં પુલ બનાવીશું, . . . . 

# ચૂંટણી 2014

~ Nimesh 06.03.2014, Wednesday